Este ano renovamos novamente o contrato de limpeza no seu centro do Porriño, núcleo estratéxico onde a compañía investiga, desenvolve e fabrica biolóxicos e vacinas para saúde humana e animal, en instalacións altamente tecnificadas que requiren os máximos estándares de control, seguridade e esterilidade. Ademais, damos un paso máis acompañando ao grupo na súa expansión internacional xa que fomos adxudicatarios dos servizos de limpeza na súa nova planta de produción de vacinas en Paredes de Coura, no norte de Portugal, un complexo de máis de 4.000 m² dedicado á fabricación de vacinas víricas e bacterianas de uso humano.
Estes espazos combinan áreas de produción, zonas técnicas, salas brancas, laboratorios, áreas de formulación e envasado, onde a limpeza non só é un servizo de soporte; é un factor crítico para garantir a integridade dos procesos biotecnolóxicos. O noso equipo especializado aplica protocolos específicos para estes contornos tan sensibles.
A confianza renovada de ZENDAL O Porriño e a ampliación do servizo de ZENDAL Portugal reforzan o noso compromiso de ofrecer solucións de limpeza capaces de adaptarse a industrias tan complexas e críticas como esta.
Para saber máis sobre o grupo ZENDAL, pode consultar a súa web: www.zendal.com
